Xoves 28 Marzo 2024

María José Alonso, científica líder de España en Ciencias da Saúde

A catedrática de Farmacia e Tecnoloxía Farmacéutica da USC María José Alonso é a investigadora española máis influínte no eido das Ciencias da Saúde. Así o confirma o índice de citacións das súas publicacións científicas. De acordo ao índice h, o indicador máis relevante para amosar o impacto das publicacións científicas dentro dun eido específico, dálle un valor de 67, o máis alto de todos os investigadores en Ciencias da Saúde.

En España, segundo sinala nun comunicado o equipo que dirixe María José Alonso, o impacto das publicacións científicas asinadas por mulleres no eido das Ciencias da Saúde está por debaixo dos seus compañeiros homes. A única excepción é a da área de Farmacia e Farmacoloxía, onde María José Alonso encabeza a lista.

Publicidade

No 2010 chegou a estar entre os 10 científicos máis citados do mundo

Segundo os datos, María José Alonso acumula máis de 14.800 citas das súas publicacións, unhas cifras que a levan a manter o liderado nos últimos anos. No 2010, o impacto do seu traballo levouna a estar entre os 10 científicos máis citados do mundo no seu eido, segundo o ránking Times Higher Education.

Grazas ao seu traballo, María José Alonso participa desde hai anos en relevantes institucións internacionais. É a actual presidenta da Controlled Release Society (CRS), a sociedade científica máis relevante a nivel mundial no ámbito dos sistemas de liberación de fármacos e nanomedicina, e no 2017 tamén ingresou na Academia de Medicina dos Estados Unidos. O nivel dos grupos de investigación que coordina levou á área de Farmacia e Farmacoloxía da USC a situarse entre as 250 mellores universidades do mundo na súa especialidade.

María José Alonso recibiu numerosos premios, entre os que destacan o premio Jaume I de Novas Tecnoloxías, o premio Maurice Marie Janot, o premio Nóvoa Santos e o María Wonenburger. É membro de tres academias en España: a Real Academia Nacional de Farmacia, a Real Academia Galega de Ciencias e da Academia de Farmacia de Galicia. Pertence ao consello editorial de once revistas científicas e foi asesora do Ministerio de Ciencia e Tecnoloxía para a elaboración da Lei da Ciencia, a Tecnoloxía e a Innovación de 2011, ademais de formar parte do consello asesor do Ministerio de Sanidade. Entre 2006 e 2010 foi vicerreitora de Investigación e Innovación da USC.

 

DEIXAR UNHA RESPOSTA

Please enter your comment!
Please enter your name here

Este sitio emprega Akismet para reducir o spam. Aprende como se procesan os datos dos teus comentarios.

Relacionadas

Inmaculada Rodríguez: “Antes faciamos empresas de parafusos, agora de ciencia e tecnoloxía”

A directora xeral de Unirisco reclama dar o salto da investigación á empresa nas xornadas 'Investir en Ciencia si é rendible’, que organiza xunto a Noso Capital

Galicia lidera o debate sobre a rendibilidade da ciencia da man de Unirisco

Universidades europeas e centros de investigación analizarán en Santiago o impacto das tecnoloxías disruptivas e a importancia de crear ecosistemas emprendedores

A credibilidade na ciencia é menor entre a mocidade que entre o público adulto

Só o 72,6% das persoas de entre 18 e 24 anos cre que as disciplinas científicas buscan a verdade, fronte ao 90,2% da poboación maior de 65 anos

Seis imaxes que cambiaron a historia da ciencia

https://theconversation.com/javascripts/lib/content_tracker_hook.js *Un artigo de O ser humano empregou primeiro o debuxo e...