Paso da Estación Espacial Internacional visible dende Galicia. Fonte: ESA

Bos días para ver pasar a Estación Espacial sobre Galicia

Chegan días bos para ver pasar sobre Galicia a Estación Espacial Internacional. Os ceos despexados e a nitidez producida polo intenso frío na atmosfera fan que a visión sexa máis clara. Nestas datas, o xigante orbital aparecerá pouco antes do amencer. Poderemos vela sucando o ceo xusto cando marchamos traballar ou estudar, a primeira hora, aínda de noite.

A ISS aparece como un pequeno punto branco que se move polo ceo a grande velocidade, xa que esta nave orbita arredor da Terra a uns 400 quilómetros de altura, a unha velocidade de 28.000 quilómetros por hora (preto de 8 km/s).

A Estación Espacial está a cruzar o ceo continuamente, ás veces gravando o territorio de Galicia.  Tamén tomando retratos do país dende a órbita da Terra. Pero  non sempre é visible, xa que iso depende de diversos factores, entre eles a nubosidade. Tamén depende da latitude na que orbite en cada xornada.

Para observala en boas condicións, cómpre afastarse da contaminación lumínica das cidades e situarse en lugares elevados onde haxa un bo campo de visión.

Pasos previstos para os vindeiros días sobre Galicia.

Entre os pasos previstos máis notables dos vindeiros días está o deste mércores 9 de xaneiro ás 7.33 horas, cando alcanzará unha magnitude aparente de 3,8. Sobre Galicia están previstos un ou dous pasos diarios durante os vindeiros sete días, sempre entre as 6.30 e as 8.15 da mañá, nos últimos momentos antes do amencer.

Podes consultar os próximos pasos da Estación Espacial Internacional sobre a túa localidade na web de Estación Espacial.

DEIXAR UNHA RESPOSTA

Please enter your comment!
POLÍTICA DE COMENTARIOS:

GCiencia non publicará comentarios ofensivos, que non sexan respectuosos ou que conteñan expresións discriminatorias, difamatorias ou contrarias á lexislación vixente.

GCiencia no publicará comentarios ofensivos, que no sean respetuosos o que contentan expresiones discriminatorias, difamatorias o contrarias a la ley existente.

Please enter your name here

Este sitio emprega Akismet para reducir o spam. Aprende como se procesan os datos dos teus comentarios.