Domingo 3 Marzo 2024

As Perseidas chegan este ano con Lúa chea

O punto álxido da choiva de estrelas será a noite do 12 ao 13 de agosto, aínda que poderemos velas tamén os días seguintes

A choiva de estrelas fugaces das Perseidas é unha das citas anuais máis importantes para as persoas afeccionadas á astronomía. Este ano a corrente de meteoros -chamados “estrelas fugaces”-  terá o seu punto álxido na vindeira noite do 12 ao 13 de agosto, aínda que a Lúa chea deses días non permitirá unha boa observación

Porén a choiva de estrelas fugaces non é un fenómeno puntual, poderemos seguir gozando delas nos días seguintes.

Publicidade

Choiva de meteoros

No período de máxima actividade poden chegar a verse máis de cincuenta estrelas fugaces cada hora baixo un ceo escuro e despexado. A contaminación luminosa fai que nas proximidades das cidades ou en zonas con iluminación forte o número de meteoros visibles diminúa.

“As  Perseidas son diminutos fragmentos da cola do cometa Swift-Tuttle que entran na atmosfera a gran velocidade, deixando ao seu paso un rastro luminoso”


Para gozar das Perseidas non se precisan instrumentos ópticos, como prismáticos ou telescopios, nin se requiren coñecementos especiais de astronomía, xa que os meteoros poden verse por toda a bóveda celeste. Iso si, todas as traxectorias teñen a súa orixe na constelación de Perseo (de aí o seu nome) que emerxe polo horizonte en dirección nordeste pasada a media noite.

As Perseidas tamén se coñecen como bágoas de San Lorenzo, xa que o día 10 de agosto está adicado no santoral a este diácono de Roma que sufriu martirio asado nunha grella no ano 258. 

A realidade é que as Perseidas son diminutos fragmentos da cola do cometa Swift-Tuttle que entran na atmosfera a gran velocidade, deixando ao seu paso un rastro luminoso que pode chegar a durar varios segundos. Este cometa achégase á Terra cada 120 anos no seu percorrido ao redor do Sol, renovando a corrente de partículas que o noso planeta atravesa cada ano por estas datas.

DEIXAR UNHA RESPOSTA

Please enter your comment!
Please enter your name here

Este sitio emprega Akismet para reducir o spam. Aprende como se procesan os datos dos teus comentarios.

Relacionadas

O tempo estable e a fase escura da Lúa permitirán ver as Xemínidas nunha ocasión única en Galicia

É un dos fenómenos astronómicos máis esperados do ano. O seu máximo esplendor terá lugar na madrugada do 14 ao 15 de decembro

As Perseidas chegan ao seu máximo esplendor: cando e onde velas en Galicia

As mellores noites para contemplalas son as comprendidas entre o 11 e o 14 de agosto, a partir de aí diminuirán a súa intensidade

Chega a Lúa do verme: as claves dun fenómeno que xa se pode ver en Galicia

Alcumada como Lúa do cervo, da cortiza, do azucre ou da coresma, todos os seus sobrenomes anuncian o final do inverno

Cometas, eclipses e chuvias de estrelas: estes son os eventos astronómicos de 2023

Este mesmo mes, ademais de chuvias de meteoros, poderá verse un cometa que levaba sen pasar preto da Terra máis de 50.000 anos