Explicación: esta estrutura de rocha non é surreal; é real. A razón pola que non é máis famosa é, quizais, por ser máis pequena do que un podería supor: a rocha do remate sobresae só uns poucos metros. Aínda así, o afloramento King of Wings, situado en Novo México, EUA, é un exemplo fascinante dun estraño tipo de estrutura de rocha chamado cheminea de fadas. As chemineas de fadas poden formarse cando unha capa de rocha dura sobresae por riba dunha capa de rocha máis branda erosionada. Figúrate que os detalles de incorporar esta cheminea de fadas a unha instantánea co ceo nocturnos levou máis ou menos un ano. Amais de agardar por unha noite axeitadamente pintoresca por tras dun ceo con poucas nubes, o primeiro plano tiña que ser alumeado de xeito artificial o xustiño en relación ao brillo natural do fondo. Despois de moito planear e agardar, o disparo final, publicado aquí, tomouse en maio de 2016. Imitando á barra horizontal, o ceo do fondo amosa a franxa da nosa galaxia Vía Láctea estricándose no alto.
Sinto moito decirvos que o que amosa a foto sexa unha cheminea de fadas. Acaeríalle millor o nome de releve residual, ou mesa (táboa), pero non cheminea de fadas ou tamén femme coiffée (muller peiteada). Pero tanto ten. Unha belida foto co nome que lle deades.