Explicación: queres coller unhas relaxantes vacacións interestelares? Pensa na posibilidade de visitar Kepler-16b, un planeta nun sistema estelar binario. De feito, Kepler-16b é o primeiro planeta descuberto que orbita dúas estrelas. Detectouse nunha ampla órbita de 229 días ao redor dunha parella estreita de estrelas frías e masa baixa, a uns 200 anos luz de distancia. As estrelas eclípsanse entre si nas súas órbitas, observándose un atenuamento da súa luz estelar. Pero o propio Kepler-16b foi descuberto ao descubrir unha diminución adicional moi lixeira do brillo producido durante os seus tránsitos. Como o planeta ficticio Tatooine da famosa Star Wars, os dous soles poríanse sobre o seu horizonte. Con todo, probablamente Kepler 16b non sexa un mundo terreste deserto coma Tatooine. En vez diso, pénsase que Kepler 16b será un planeta frío e inhóspito coa masa aproximada de Saturno nunha superficie gasosa… así que prepara a roupa axeitada. Ou escolle outro destino vacacional en Visións do Futuro.
