Explicación: esta paisaxe celeste amosa a poeirenta rexión de emisión do catálogo Sharpless denominada Sh2-155, a nebulosa Cova. Na imaxe telescópica, os datos tomados ao través dun filtro de banda estreita rexistra o brillo avermellado dos átomos de hidróxeno ionizado. A uns 2.400 anos luz de distancia, a escena sitúase ao longo do plano da nosa Vía Láctea cara a constelación setentrional e real de Cepheus. As exploracións astronómicas da rexión desvelan que se formou na fronteira da nube molecular masiva Cepheus B e as estrelas novas da asociación Cepheus OB 3. O bordo brillante de gas hidróxeno ionizado recibe enerxía pola radiación das estrelas quentes, dominadas pola estrela máis brillante de enriba e a esquerda do centro do recadro. Probablemente as frontres de ionización dirixidas pola radiación están a desencadear o colapso dos núcleos e a formación de estrelas novas no interior. A cova cósmica, co tamaño axeitado para unha gardería estelar, ten uns 10 anos luz de tamaño.
Rematamos a xira galega das charlas sobre o APOD do último ano en Santiago de Compostela (CSC Fontiñas, sábado 25 de marzo, ás 18:00).
