Explicación: ollas? Esta pregunta común precede adoito ao redescubrimento dunha das configuracións de estrelas máis comunmente recoñecidas do ceo setentrional: o Setestrelo. Este grupo de estrelas é unha das poucas cousas que posiblemente xa miraches; e que será mirada por cada xeración humana. Porén, nesta imaxe publicada as estrelas do Setestrelo melloráronse dixitalmente; realmente non aparecen deste xeito, máis brillantes cás estrelas achegadas. A fotografía tirouse a comezos deste mes desde Francia. O propio Setestrelo non é unha constelación. Aínda que forma parte da constelación da Gran Osa (Ursa Major), o Setestrelo é un asterismo que se coñece por nomes diferentes para sociedades diferentes. Cinco das estrelas do Setestrelo están realmente preto unhas doutras no espazo e probablemente se formaron ao mesmo tempo. Os movementos estelares relativos farán que o Setestrelo vaia cambiando paseniñamente a súa configuración aparente durante os vindeiros 100.000 anos.
O Setestrelo mellorado
