Explicación: cando se fai vertical a liña entre o día e a noite? Mañá. Mañá hai un equinoccio no planeta Terra, un intre do ano cando o día e a noite son practicamente iguais. Nun equinoccio, o terminador da Terra (a liña divisoria entre o día maila noite) faise vertical e conecta os polos norte e sur. O vídeo secuencia publicado demostra isto amosando un ano enteiro do planeta en doce segundos. Desde unha órbita xeosíncrona, o satélite Meteosat gravou estas fotografías en infravermello da Terra cara día á mesma hora local. O vídeo comezou no equinoccio de setembro de 2010 coa liña do terminador estando en vertical. Mentres a Terra xiraba ao redor do Sol, o terminador ollábase inclinarse dun xeito que proporcionaba menos luz solar polo día no hemisferio norte, provocando o inverno. Mentres o ano progresaba, o equinoccio de marzo de 2011 chegou á metade da duración do vídeo, seguido polo terminador inclinándose doutro xeito, provocando o inverno no hemisferio sur; e o verán no norte. O ano rexistrado remata de novo co equinoccio de setembro, concluíndo outro dos milleiros de millóns de viaxes que a Terra fixo, e fará, ao redor do Sol.
Rematamos a xira galega das charlas sobre o APOD do último ano en Santiago de Compostela (CSC Fontiñas, sábado 25 de marzo, ás 18:00).
