Explicación: o cometa Lovejoy (C/2014 Q2), dirixíndose ao norte, está a amosar agora o seu mellor espectáculo para os observadores de cometas, coa ausencia do luar nos ceos do comezo do serán desde mediados de xaneiro. O cometa, un obxectivo doado para os binoculares e xa visible a simple vista desde lugares escuros, varre a constelación de Taurus ou Touro nesta fonda paisaxe do ceo nocturno. A escena estrelada foi captada hai só dous días, o 12 de xaneiro, desde Jackson Hole (Wyoming), planeta Terra. De feito, a cabeza de Taurus formada polo cúmulo estelar das Híades con forma de V apunta cara Lovejoy á dereita. A coma e cola verdecentes do cometa discorrendo na dirección contraria ao Sol tamén parecer ter sido disparadas desde o arco de Orión. Podes descubrir as familiares estrelas da constelación rica en nebulosas do Cazador á esquerda, e seguir esta ligazón para salientar ao cometa Lovejoy no amplo campo de vista.
O Cazador, o Touro e Lovejoy
