Explicación: a gran galaxia espiral NGC 891 abarca uns 100 milleiros de anos luz e óllase case exactamente de canto desde a nosa perspectiva. De feito, a uns 30 millóns de anos luz de distancia na constelación Andrómeda, NGC 891 seméllase un montón a nosa propia Vía Láctea. Nunha primeira ollada ten un disco galáctico de estrelas delgado e aplanado cun vulto central cortado ao medio por zonas de po escuro. Pero a aparencia destacada da presentación de canto de NGC 891 son os filamentos de po que se estenden centos de anos luz por riba e por baixo da liña central. Probablemente o po saíu do disco por explosións de supernova ou a intensa actividade de formación estelar. Tamén se poden ollar galaxias máis febles preto do disco de canto neste fondo retrato de NGC 891.
