Explicación: o cúmulo estelar NGC 7789, atopado entre ricos eidos estelares da Vía Láctea, está a uns 8 000 anos luz de distancia cara a constelación Casiopea. O cúmulo, un descubrimento do ceo fondo de finais do século XVIII da astrónoma Caroline Lucretia Herschel, tamén é coñecido coma a Rosa de Carolina. A súa aparencia visual florida en telescopios pequenos é creada polo complexo aniñado de estrelas e baleiros do cúmulo. Cunha idade estimada agora nuns mil seiscentos milleiros de anos, tal e como amosa o cúmulo aberto de estrelas ou galáctico. Probablemente todas as estrelas do cúmulo naceron ao mesmo tempo, pero as que son máis brillantes e masivas esgotaron axiña o combustible de hidróxeno dos seus núcleos. Estes evolucionaron desde estrelas da secuencia principal coma o Sol a seren as moitas estrelas xigantes vermellas amosadas nunha cor amarelada nesta encantadora composición. Facendo medicións de cor e brillo os astrónomos poden facer modelos da masa e por tanto da idade das estrelas do cúmulo que empezar a saír da secuencia principal para converterse en xigantes vermellas. Cuns 50 anos luz de diámetro, a Rosa de Carolina abarca máis ou menos medio grao (o tamaño angular da Lúa) preto do centro da imaxe telescópica de amplo campo.
