Explicación: Marte errante e Saturno pasaron gran parte deste ano moi preto no ceo nocturno do planeta Terra. Unha secuencia de exposicións que abarca desde mediados de decembro ata o comezos desta semana, esta vista celeste composta segue o seu tempo xuntos, incluíndo a oposición achegada de ámbolos dous, xusto ao norte da brillante estrela Antares preto do vulto central da Vía Láctea. No vídeo correspondente, o movemento aparente de Saturno óllase indo e vindo ao longo dun bucle compacto e estreito, mentres que Marte segue un camiño con forma de S inversa máis amplo desde a parte superior dereita deica a inferior esquerda do cadro. Para conectar os puntos coas datas só tes que esvarar o teu cursor sobre a imaxe (ou segue esta ligazón). Olla ese camiño, pero nin Marte nin Saturno se dan a volta realmente nas súas órbitas. En vez diso, a súa aparente volta ou movemento retrógrado con respecto ás estrelas do fondo é un reflexo do movemento orbital da propia Terra. O movemento retrógrado pode ollarse cada vez que a Terra sobrepasa e dobra aos planetas que orbitan máis lonxe do Sol, coa Terra movéndose máis rapidamente pola súa propia órbita relativamente máis achegada.
