Os elementos aliñáronse para que a xornada fose perfecta: día festivo en Galicia, bo tempo en boa parte do oeste e centro da comunidade, unha eclipse case total de Sol que non volveremos ver até o 12 de agosto de 2026, unha situación privilexiada —a mellor da Península Ibérica para contemplar o fenómeno— e a chegada da primavera. Así que milleiros de galegos acudiron á cita e presenciaron este fenómeno, que non se daba de tal xeito por estas latitudes desde o 3 de outubro de 2005.
GCiencia estivo na praia do Vao, en Vigo, compartindo este momento máxico con centos de persoas que, con distintos enxeños, asistiron a este espectacular fenómeno. Estas son algunhas imaxes tomadas entre as 9:00 e as 11:00 horas de hoxe, cando se puido observar a eclipse en Galicia, co máximo ás 10:09.
[wzslider exclude=”12821″ autoplay=”true” interval=”5000″ height=”650″]
Así foi a eclipse de Sol coa que Galicia recibe a primavera
