Explicación: este primeiro plano procedente da cámara HiRISE do Mars Reconnaissance Orbiter (Orbitador de Recoñecemento de Marte) amosa cráteres erosionados e depósitos transportados polo vento na Acidalia Planitia meridional. Unha sombra impactante de azul nas cores estándares para as imaxes da HiRISE, pero para os ollos humanos a zona probablemente parecería gris ou un pouquiño avermellada. O certo é que os ollos humanos non contemplaron nunca o terreo, a menos que teñas en conta os ollos dos astronautas da NASA na novela de ciencia ficción The Martian (O Marciano) de Andy Weir. A novela conta as aventuras de Mark Watney, un astronauta varado no lugar de aterraxe Ares 3 da misión ficticia a Marte que corresponde coas coordenadas deste fotograma recurtado da HiRISE. O hábitat de 6 metros de diámetro de Watney, a escala no lugar, tería a décima parte do diámetro do cráter grande. Por suposto, as coordenadas de aterraxe en Ares 3 están a só uns 800 quilómetros ao norte (na vida real) da Carl Sagan Memorial Station, o lugar de aterraxe da Pathfinder landing site en 1997.
Lugar de aterraxe Ares 3: o marciano revisitado
