Explicación: Makemake, o segundo planeta máis brillante do cinto de Kuiper, ten unha lúa. Alcumada MK2, a lúa de Makemake reflicte a luz solar coa súa superficie negra carbón, unhas 1.300 veces máis tenue có seu planeta. Aínda así, foi descuberta enobservacións do Telescopio Espacial Hubble dirixidas á procura de compañeiros máis febles coa mesma técnica empregada para atopar os satélites pequenos de Plutón. Ao igual que para Plutón e os seus satélites, observations adicionais de Makemake e o seu satélite medirán a masa e densidade do sistema permitindo unha compresión máis ampla dos mundos afastados. O tamaño relativo de MK2, cuns 160 quilómetros de diámetro comparados cos 1.400 de Makemake, e o seu contraste amósanse nesta imaxe artística. Unha escena imaxinada dunha fronteira inexplorada do Sistema Solar, mira cara atrás desde o punto de vista dunha nave espacial mentre un Sol tenue brilla ao longo da Vía Láctea. Como é natural, o Sol está unhas 50 veces máis afastado de Makemake que do planeta Terra.
