Explicación: miraches a Lúa ultimamente? O 18 de abril o seu crecente alumeado polo sol moveuse pola noite do planeta Terra cruzando sobre un fondo de estrelas das Híades. Este achegado cúmulo de estrelas con forma de V, ancorado pola brillante estrela Aldebarán, e o orbe lunar completo aparecen nesta telefoto. A encantadora vista do ceo é realmente unha composición dixital dunha serie de exposicións variadas. A máis curta da serie, rexistrada cun 1/60 de segundo, capta o brillante crecente da Lúa ben polo miúdo. As exposicións máis longas, que van ata os 15 segundos, captan o fondo de estrelas máis tenue así coma a luz cincenta, visible a simple vista coma a parte nocturna na Lúa alumeada pola luz reflectida pola Terra.
Charla en Ourense coas imaxes do último ano. No Liceo, sábado 21 abril ás 20.00.
