Chorro dobre de partículas en Herbig-Haro 24

Agradecementos: D. Padgett (GSFC), T. Megeath (University of Toledo), B. Reipurth (University of Hawaii)Explicación: isto ben podería semellarse a unha espada láser de dobre folla, pero estes dous chorros cósmicos realmente proceden dunha estrela recén nada nunha galaxia achegada a ti. Esta escena espectacular, construída a partires de datos do Telescopio Espacial Hubble, abarca máis ou menos medio ano luz ao través de Herbig-Haro 24 (HH 24), a uns 1.300 anos luz de distancia na gardería estelar do complexo de nubes moleculares Orión B. A protoestrela central HH 24, agochada da visión directa, está arrodeada por po frío e gas aplanado nun disco de acreción en rotación. Cando o material do disco cae cara o novo obxecto estelar arrequece. Os chorros opostos son disparados ao exterior ao longo do eixo de rotación do sistema. Os potentes chorros, que cortan o material interestelar da rexión, producen unha serie de frontes de choque brillantes ao longo do seu camiño.