Explicación: que poderías ver no ceo nocturno durante os vindeiros meses? O gráfico publicado indica algunhas cousas destacables. Visto coma un reloxo centrado na parte inferior, os eventos celestes de marzo ábrense cara á esquerda, os de abril na parte superior e os de maio cara á dereita. Os obxectos relativamente achegados á Terra ilústranse, en xeral, máis preto do personaxe inferior co telescopio; aínda que case todo o que se representa pode verse sen un telescopio. O máis salientable do ceo desta estación inclúe un brillante Venus no ceo do serán durante marzo, a chuvia de meteoros das líridas durante abril e Xúpiter entrando no ceo tralo solpor durante maio. Como noutros meses, a Estación Espacial Internacional (ISS) pode atoparse ás veces vagando polo teu ceo se sabes cando e onde mirar.
