Explicación: que estrela creou este enorme peido de lobo en expansión? Publícase aquía primeira película feita ata o de agora da expansión do remanente de supernova de Tycho, o resultado dunha explosión estelar que fora rexistrada por primeira vez hai uns 400 anos polo famoso astrónomo Tycho Brahe. O vídeo-secuencia de 2 segundos está composto por imaxes de raios X tiradas polo observatorio orbital de raios X Chandra entre os anos 2000 e 2015, engadíndolle un marco de estrelas no rango óptico. A nube de gas en expansión está enormemente quente, mentres que as velocidades de expansión lixeiramente diferentes déronlle á nube unha aparencia inchada. Aínda que a estrela que creou SN 1572 case con toda seguridade non exista, unha estrela alcumada Tycho G, demasiado feble para albiscarse aquí, pénsase que era unha compañeira. Atopar os remanentes proxenitores da supernova de Tycho é especialmente importante porque asupernova é do Tipo Ia, un chanzo relevante na escada de distancias que calibra a escalado universo visible. Pénsase que o máximo de brillo das supernovas de Tipo Ia se comprende ben, dándolles bastante valor na exploración das relacións entre claridade e palidez do universo afastado.
GCiencia realiza unha reserva expresa das reproducións e usos das obras e outras prestacións accesibles desde este sitio web a medios de lectura mecánica ou outros medios que resulten adecuados a tal fin de conformidade co artigo 67.3 da Real Decreto - lei 24/2021, do 2 de novembro // Auditado por GFK
