A NASA escolleu hoxe a foto dun galego, Dani Caxete, como a súa imaxe do día. A instantánea recolle unha espectaclar Lúa chea e foi tomada na serra de Madrid. Caxete xa fora elixido pola NASA noutras dúas ocasións. Na primeira, cunha imaxe da Estación Espacial Internacional transitando sobre a Lúa. A segunda, coa súa foto do ‘banco máis bonito do mundo’ en Ortigueira. Agora, esta imaxe leva o título ‘Atopa un home na Lúa’. Dani Caxete é un astrofotógrafo galego afincado en Madrid que ten recibido numerosos premios internacionais.
Este é o texto que hoxe publica a NASA:
Explicación: algunha vez viches ao Home na Lúa? Esta pregunta cotiá xoga coa habilidade dos humanos de ver pareidolias; imaxinar iconas familiares onde non existen realmente. A textura da superficia da Lúa chea da Terra alberga numerosas identificacións de obxectos icónicos, non só na moderna cultura occidental senón nofolclore mundial ao través da historia. Os exemplos, que dependen normalmente da orientación percibida da Lúa, inclúen á Muller da Lúa e ao Coello da Lúa. Un perfil facialidentificado comunmente como o Home na Lúa comeza imaxinando que as dúas áreas escuras circulares (os maria lunares), aquí xusto por riba do centro da Lúa, son os ollos. De xeito abraiante, realmente hai un home nesta fotografía da Lúa (unha ollada atenta desvelará unha persoa real) cun telesocpio; perfilada contra a Lúa. Esta imaxe publicada e ben planeada foi tirada a mediados de xaneiro desde Cadalso de los Vidrios en Madrid, (España). Tes algún obxecto favorito que vexas na Lúa?
¡Felicidades al autor! Es una foto bellísima.