Únete á nosa canle de Whatsapp
Resulta case incríble esta foto. Porque a cámara que a fixo partiu do planeta Terra no pasado mes de maio e ten recorrido case 60 millóns de quilómetros para alcanzar o seu obxectivo. Porque esta cámara viaxou a bordo do módulo Insight da NASA, que aterrou no Planeta Vermello cando faltaban uns minutos para as 21.00 horas (hora peninsular en España). E uns segundos máis tarde, a imaxe que vemos xa estaba distribuida por todo o mundo, a través das redes sociais da axencia espacial.
Dende logo, non é doado enviar unha cámara a 59 millóns de quilómetros, que resista unha desaceleración dende unha velocidade de 19.800 km/h e que resista intacta para enviar de contado unha foto de volta ao seu planeta de orixe.
Na foto vemos os grans de pó marciano que levantou a propia sonda durante a súa aterraxe. Nas vindeiras horas esperamos novas imaxes, aínda que Insight tomará o seu tempo en despregar os seus equipos, o que fará nos vindeiros meses.
Mentres seguimos abraiados co fito tecnolóxico, aquí tes todos os datos sobre esta misión e a súa aterraxe histórica en Marte:
