O Ano Internacional da Luz (IYL2015, no seu acrónimo en inglés) comezou oficialmente en España este 16 de febreiro, nun acto académico celebrado en Barcelona no que participaron medio milleiro de persoas, incluídos prestixiosos investigadores e expertos do eido da ciencia y das tecnoloxías baseadas na luz. Ó longo deste ano, o comité español desenvolverá múltiples actividades por toda a xeografía do país para concienciar á sociedade da importancia da luz e das súas tecnoloxías asociadas en áreas tan diversas como a enerxía, a educación, a saúde, a comunicación ou o medio ambiente.
O 20 de decembro de 2013, a Organización das Nacións Unidas (ONU), na súa 68ª Asemblea Anual proclamou este como o Ano Internacional da Luz e as Tecnoloxías baseadas na Luz.
Galicia inaugurou o Ano da Luz o 19 de xaneiro pasado e é, polo momento, a única comunidade autónoma cun sitio web propio enlazado na páxina oficial do Ano da Luz en España, canda os portais internacional e latinoamericano.
No ámbito das conmemoracións do IYL2015 en Galicia, e co apoio de diferentes organismos e patrocinadores, organizaranse diferentes actividades abertas ós cidadáns, incluídos concursos que irán sendo anunciados no sitio web oficial e que terán un especial enfoque para alumnos dos diferentes niveis de ensino, dende o infantil a estudos superiores. Das actividades realizadas se seleccionarán as mellores obras, que quedarán dispoñibles baixo licenza creative commons para ser incorporadas ás diferentes actividades sen ánimo de lucro do IYL2015-Galicia, como exposicións ou publicacións divulgativas. Os concursos en marcha son: “o literario “Qué é a luz para ti?”, o gráfico “As mil e unha luces” e o científico “Coas máns na luz”.
