Explicación: que son esas manchas brillantes do asteroide Ceres? Mentres a nave espacial automática Dawn se achega ao asteroide máis grande do cinto de asteroides, o crebacabezas aumenta. As novas fotografías máis definidas tiradas a semana pasada e publicadas onte indican, tal e como se agardaba, que a maior parte da superficie do planeta anano Ceres é escuro e cheo de cráteres coma a nosa Lúa ou o planeta Mercurio. Porén, as imaxes novas non indican con claridade a natureza das manchas máis brillantes (en comparación); aínda que se observa que hai máis delas. As manchas enigmáticas olláronse por primeira vez en Ceres co tamaño de Texas hai unhas poucas semanas durante o achegamento da Dawn. O intrigante misterio ben podería ser resolto axiña mentres a Dawn segue a avanzar cara Ceres, estando programado que entre en órbita o 6 de marzo.
Desvelados cráteres escuros e manchas brillantes no asteroide Ceres
