Únete á nosa canle de Whatsapp
O climatólogo Ed Hawkins vén de actualizar a súa espiral climática, que xa se fixera famosa na súa primeira edición de 2016 por ser unha forma de representar de forma sinxela a crise actual de quecemento global debido ao aumento das temperaturas. Esta espiral baséase en datos da análise de temperatura superficial GISS da NASA e abrangue dende 1880 ata 2021. Con cada mes de cada ano, rexístrase unha liña xiratoria de datos da temperatura global na superficie.
É a mediados do século XIX cando a liña comeza a estenderse cara ao exterior debido ao aumento das temperaturas, creando unha forma de tornado. Xa no cambio de século, a velocidade deste cambio cara ao exterior da espiral vólvese maior e, entre 2016 e 2021, cruza varias veces o límite amarelo que representa un grao de quecemento.
