Xoves 28 Marzo 2024

Garagapp, a aplicación móbil galega para abrir e pechar garaxes

As clásicas chaves teñen os días contados. A modo van sendo substituídas por tarxetas electrónicas, mandos a distancia… e agora tamén por aplicacións móbiles para abrir e pechar portas remotamente. Galicia súmase ás novas tendencias móbiles coa presentación de Garagapp, unha app para abrir e pechar garaxes sen necesidade de mando a distancia e utilizando simplemente o teléfono móbil.
Para usar Garagapp hai que instalar un receptor ó carón da porta que simula un mando do garaxe e introdúcese unha clave na aplicación, á que se pode mesmo asociar máis dunha porta automática: a de casa, a da oficina… Logo, só hai que conectar o smartphone co aparello receptor por 3G ou bluetooth e premer o botón para abrir ou pechar a porta. Deste xeito, e nun só móbil, podemos ter varios mandos para varias portas. Ademais, o invento utiliza un sistema encriptado de comunicacións para previr posibles pirateos da aplicación.

A app conéctase cun receptor por tecnoloxía 3G ou bluetooth

Garagapp foi desenvolvida para Android e iOS pola empresa viguesa de tecnoloxía e enxeñería Possible Inc. A app está destinada tanto a particulares como a empresas ou comunidades de veciños e xa foi usada por 200 usuarios en Vigo en probas piloto. Agora terá a súa grande estrea no Centro Demostrador TIC, que xestiona a Axencia para a Modernización Tecnolóxica de Galicia (Amtega), o 5 de febreiro nunha sesión demostradora que poderá ser seguida por streaming e na que, ademais, se presentarán os primeiros vídeos promocionais da aplicación.
Esta aplicación é un dos proxectos que están a participar na primeira convocatoria da iniciativa Galicia Open Future, impulsada por Telefónica en colaboración coa Xunta.

Publicidade

DEIXAR UNHA RESPOSTA

Please enter your comment!
Please enter your name here

Este sitio emprega Akismet para reducir o spam. Aprende como se procesan os datos dos teus comentarios.

Relacionadas

▪️ Expertos en tecnoloxía, ciencias e humanidades asesoran a Xunta para o uso ético da IA

A comisión de especialistas elabora recomendacións para impulsar accións formativas e a sensibilización na administación e empresas

A Plataforma Dixital Agroforestal de Galicia empregará intelixencia artificial ao servizo do campo

Agricultores, gandeiros e silvicultores poderán cumprir obrigas coa administración e vixiar as súas explotacións, entre outras funcións

As aulas CeMIT formaron a 900 persoas en impresión 3D, robótica ou programación

Amtega distribuíu máis 1.300 novos dispositivos este ano nunha rede que xa conta con máis de 113.000 usuarios

A incorporación de maiores a Internet aumenta en Galicia máis dun 15%

Un estudo elaborado polo Observatorio da Sociedade da Información reflicte a redución da fenda dixital