Xoves 28 Marzo 2024

Curso de programación sobre tarxetas gráficas no CiTIUS

Os programadores teñen unha cita no CiTIUS a vindeira semana. Entre as 12.00 e as 14.00 horas do martes 4 e o xoves 6 de xullo, o investigador Pablo Quesada conducirá unha nova edición do Programa de Formación do centro. O obxectivo é facilitar aos participantes os coñecementos necesarios para aprender a programar algoritmos en tarxetas gráficas (ou GPUs) empregando CUDA, unha plataforma de computación paralela que define a arquitectura unificada das tarxetas gráficas de NVIDIA e tamén a súa interface de programación.

Ao longo das dúas sesións os alumnos aprenderán a programar de forma conxunta CPU/GPU para enviar datos á tarxeta gráfica e procesalos en paralelo con centos de fíos, executando a mesma instrución de forma concorrente e seguindo un modelo de programación Single Program Multiple Data. Asemade veranse aspectos esenciais da arquitectura da GPU, necesarios para sacar o máximo rendemento a este hardware.

Publicidade

Para asistir é imprescindible ter coñecementos de C/C++ e levar un ordenador portátil con conexión á rede da USC.

DEIXAR UNHA RESPOSTA

Please enter your comment!
Please enter your name here

Este sitio emprega Akismet para reducir o spam. Aprende como se procesan os datos dos teus comentarios.

Relacionadas

00:05:35

É a intelixencia artificial unha ameaza para a humanidade?

O frenesí dos últimos anos leva a moitos a preguntarse polo verdadeiro alcance dunha revolución con riscos, pero con moitos beneficios se se seguen as normas

Unha campaña de doazón de voz recollerá as variedades fonéticas e dialectais de Galicia

O obxectivo é acadar as máis de 1.000 horas de gravación precisas para que dispositivos como Siri, Alexa ou Google recoñezan as distintas cadencias lingüísticas

Cando a música e a informática se alían: “Un músico poderá atopar partituras cantaruxando”

A investigadora da UDC Hilda Romero Velo crea unha aplicación web e móbil para solucionar algúns dos problemas aos que se enfrontan os músicos no día a día

Ana Kiro ‘revive’ para representar a Galicia na Eurovisión da intelixencia artificial

Un grupo multidisciplinar presenta a delegación galega do festival, que terá lugar o 4 de novembro na Coruña