Venres 29 Marzo 2024

Reciclaxe a domicilio

O concello de San Sadurniño, un pequeno municipio interior e rural da provincia da Coruña, vén de poñer en marcha esta semana un proxecto piloto en Galicia  para a  recollida selectiva de lixo na porta da casa de medio cento de vivendas de tres  parroquias.  Ten un triplo obxectivo: aforrar cartos, coidar do medio natural e asomar os veciños como recuperar a compostaxe dos restos orgánicos con novos usos nas leiras e no gando como facían os seus antergos.

Esta iniciativa, que empuxa a corporación local que encabeza Secundino García (BNG) e Adega (Asociación na Defensa Ecolóxica de Galiza), arrincou este martes.  Participan medio cento de casas -150 veciños- espalladas entre 18 núcleos rurais das parroquias de Ferreira, Igrexafeita e Naraío, famoso pola estampa do torreón, o vestixio aínda en pé do seu ruinoso castelo do século XV, protagonista nas revoltas irmandiñas e propiedade da Casa de Alba.

Publicidade

O obxectivo do plan é reducir á metade o volume do lixo que se trata en Sogama

A recollida selectiva en San Sadurniño é o primeiro paso para desterrar un “modelo caduco de incineración como o de Sogama na busca doutro máis barato e sustentable desde o punto de vista ambiental”, explica o rexedor. Estiman que o custe de enviar os residuos a planta suponlle, de media as arcas locais, uns 80 euros por cada tonelada. Os ambientalistas fixeron números con Goberno local e están seguros de que con este sistema coidan o medio e aforrarán cartos. Estiman que poderán recortar gastos o reducir a metade o volumen de tonelaxe que derivan a Sogama, reaproveitando moitos deses restos orgánicos como biomasa caseira. “É una fórmula distinta para xestionar os residuos en orixe para aforrar en custes económicos e ambientais”, resumen.

Media de 60 anos

Por cada unha das casa que se adheriron o proxecto piloto do lixo, explican na corporación municipal, hai un colector amarelo para os residuos inorgánicos (latas, conservas, plásticos..). No outro, os restos orgánicos (mondas e desperdicios de alimentos fundamentalmente). Os dous operarios municipais que onte fixeron o primeiro día de ruta nun pequeno furgón polas casas atoparon que os restos -salvo contadas excepcións- estaban perfectamente clasificados polos veciños, cunha idade media de 60 anos. Tardaron dúas horas en completar o recorrido que repetirán todas as semanas, unha hora menos da que se demoraba o camión compactador “un importante aforro en tempo e combustible”, celebra as concelleiras de Obras e Medio Ambiente, Amparo Calvo e Maricarme García, que agardan os primeiros resultados en cifras antes de estender o modelo o resto das parroquias.

A maiores dos composteiros para o lixo orgánico, o concello situou outros colectores en puntos concretos: verde (vidro), amarelo (plásticos), azul (papel e cartón) e un cuarto, de cor gris, para desfacerse, por exemplo, de zapatos vellos e outras cousas que non encaixan en ningún dos outros.

Adega amosará en distintos obradoiros os veciños do concello como deben proceder para autoxestionar o seu propio lixo como biomasa con novos usos agrícolas “como se fixo toda a vida”. Por exemplo, para alimentar os cochos ou xerar esterco -a partir do substrato fertilizante-, como facían os seus devanceiros para plantas e morteiros.

DEIXAR UNHA RESPOSTA

Please enter your comment!
Please enter your name here

Este sitio emprega Akismet para reducir o spam. Aprende como se procesan os datos dos teus comentarios.

Relacionadas

O mapa que revela o territorio galego incompatible coa implantación eólica

Para a elaboración do informe a ONG SEO/BirdLife tivo en conta as figuras de protección e as zonas de alto valor ecolóxico

A longa vida dos pequenos plásticos: así impactan en ecosistemas mariños e seres humanos

Un informe de Fauna & Flora internacional alerta das “catastróficas perdas” destes plásticos en todo o planeta

Así afecta o eucalipto á biodiversidade na illa de Tambo

Un estudo coordinado por Adega demostra que as áreas de maior riqueza natural son nas que hai unha menor presenza de 'Eucalyptus globulus'

Da Coruña ao Ártico: descubre neste mapa a viaxe polo mundo dos teus refugallos

A fundación The Ocean Cleanup crea unha aplicación online para concienciar sobre o lixo