Xoves 28 Marzo 2024

Chega a Santiago Lisa Randall, a física más influente do mundo

Lisa Randall, a primeira muller en ocupar un posto no departamento de física da Universidade de Princeton e tamén a primeira física teórica no Massachussets Institute of Technology (MIT) e na Universidade de Harvard, atópase esta semana en Santiago para inaugurar os actos de conmemoración dos 100 anos da Teoría Xeral da Relatividade que organiza a Facultade compostelá de Física e nomeadamente os profesores Jorge Mira e Jose Edelstein.

Randall, cos físicos da USC Jorge Mira e José Edelstein.
Randall, cos físicos da USC Jorge Mira e José Edelstein.

Randall, que manterá durante toda a semana encontros con persoal investigador do centro universitario, foi elixida po la revista Time entre as cen figuras máis influentes no eido de ‘Científicos e Pensadores’. Hai quince anos publicou, xunto con Raman Sundrum, dous artigos nos que por primeira vez se poñía enriba da mesa a posibilidade de que no espazo no que vivimos existan outras dimensións adicionais, extras.
Precisamente sobre esa cuestión falará este mércores 1 de xullo no acto central da súa visita. A científica estadounidense pronunciará ás 20.15 horas no Centro de Innovación Cultural (CINC) do Gaiás a conferencia ‘Universos ocultos: unha viaxe ás dimensións extras do cosmos’.
Previo á súa intervención, os profesores da USC Javier Mas Solé e José Edelstein introducirán a xornada coas charlas ‘Da mazá ao burato de verme: cen anos de Relatividade Xeral’ e ‘O universo de Einstein: do Big Bang aos buratos negros’, respectivamente. A asistencia á conferencia é libre e de balde ata completar aforo. Os asistentes disporán, ademais, de aparatos de tradución.

DEIXAR UNHA RESPOSTA

Please enter your comment!
Please enter your name here

Este sitio emprega Akismet para reducir o spam. Aprende como se procesan os datos dos teus comentarios.

Relacionadas

Primeira imaxe en luz polarizada do burato negro da Vía Láctea

Grazas a esta nova vista de Saxitario A*, a rede global de radiotelescopios EHT revela a existencia de fortes campos magnéticos xirando arredor do seu borde
00:04:39

Pode caer un raio dúas veces no mesmo sitio?

Grazas aos pararraios a humanidade non teme hoxe as tormentas e o seu poder destrutivo, pero o lugar onde caen as descargas ten pouco de azar e moito de fondo científico

“A existencia de buratos negros supermasivos non se observara con tanta seguridade”

Achada unha nova fonte de ondas gravitacionais clave para entender a orixe do universo

Un novo mapa da materia escura vólvelle dar a razón a Einstein

Confirma a teoría xeral da relatividade sobre como as estruturas masivas medraron e curvaron a luz ao longo de 14.000 millóns de anos