Escoita o vento no planeta Marte grazas á sonda Insight

A NASA difundiu os sons do vento en Marte, grazas á sonda espacial InSight que pisou a superficie do planeta vermello o pasado 26 de novembro. Este é un fito para a axencia espacial estadounidense, xa que se transmitiu algo que nunca se logrou na historia da humanidade. Boa parte deste vídeo difundido pola NASA contén a gravación do vento marciano.

O audio foi difundido pola NASA, que indicou que o vento é de entre 5 e 7 metros por segundo, con dirección noroeste a sueste.

O son foi gravado e transmitido cara á Terra o 1 de decembro e foi captado grazas a dous sensores (un de presión e outro de sismos) que se atopan na base e o brazo do InSight. Bruce Banderdt, investigador da sonda InSight na NASA, declarou: “Gravar este audio foi un agasallo non planificado, pero un dos obxectivos da nosa misión é medir o movemento en Marte e naturalmente iso inclúe o causado polas ondas de son”.

A sonda InSight chegou a fins de novembro a Marte. O momento máis difícil que sufriu a sonda, foron chamados os “sete minutos de terror”, cando tivo que atravesar a atmosfera marciana a 20 mil quilómetros por hora a 5 quilómetros de velocidade. Na súa totalidade, a viaxe durou máis de 200 días.

DEIXAR UNHA RESPOSTA

Please enter your comment!
POLÍTICA DE COMENTARIOS:

GCiencia non publicará comentarios ofensivos, que non sexan respectuosos ou que conteñan expresións discriminatorias, difamatorias ou contrarias á lexislación vixente.

GCiencia no publicará comentarios ofensivos, que no sean respetuosos o que contentan expresiones discriminatorias, difamatorias o contrarias a la ley existente.

Please enter your name here

Este sitio emprega Akismet para reducir o spam. Aprende como se procesan os datos dos teus comentarios.