Únete á nosa canle de Whatsapp
Continua a conta atrás para por finaliza a erupción do Cumbre Vieja, na illa de La Palma. Os parámetros, tanto os observables como procedentes dos sistemas de vixilancia (dióxido de xofre, sismicidade e tremor), seguen indicando por sétima xornada consecutiva o esgotamento do volcán. Non obstante, aínda quedan cinco días de espera e preocupan os gases remanentes nas inmediacións da erupción.
O Instituto Xeolóxico e Mineiro de España (IXME) ven de publicar un recopilatorio diario visual da erupción do Cumbre Vieja dende o seu comezo, o 19 de setembro de 2021, ata o 14 de decembro. As imaxes están gravadas polo Servizo de Traballos Aéreos do IXME xunto co Grupo de Emerxencias e Salvamento do Goberno canario.
Segundo un informe do Comité Científico do Pevolca (Plan de Emerxencias Volcánicas de Canarias), ata que todos os indicadores confirmen o apagón do volcán non é descartable un novo repunte de actividade estromboliana e de emisión de coadas. Nestes tres meses dende que comezou o proceso eruptivo, un total de 2.988 construccións foron destruídas e decenas de localidades desaparecidos como Todoque, El Paraíso, El Pampillo, El Pastelero, o el Callejón de la Gata. E con elas, a evacuación de 7.000 persoas.
