Dous catedráticos da USC, premiados por deseñar un novo procedemento estatístico

A Sociedade de Estatística e Investigación Operativa e a Fundación BBVA galardóaos na categoría de Mellor Contribución Metodolóxica

De esquerda a dereita, Vicente Pérez, Wenceslao González e Manuel Febrero

Os catedráticos da Universidade de Santiago de Compostela (USC) Wenceslao González Manteiga e Manuel Febrero Bande veñen de ser galardoados na categoría de Mellor Contribución Metodolóxica ao campo da Estatística na edición correspondente ao 2020 no marco dos Premios de Estatística que outorga a Sociedade de Estatística e Investigación Operativa (SEIO) xunto coa Fundación BBVA. Ademais, González Manteiga recibiu a Medalla da Sociedade de Estatística e Investigación Operativa.

O premio recoñeceu o seu traballo Goodness-of-fit tests  for  the  functional  linear  model  based  on  randomly  projected  empirical  processes, publicado na revista The  Annals  of  Statistics e no que tamén tomaron parte Juan A. Cuesta Albertos e Eduardo García Portugués. A través deste traballo, os investigadores desenvolveron un novo procedemento estatístico para analizar se determinados modelos preditivos son os máis adecuados para aplicar cos datos dispoñibles e así evitar conclusións erróneas.

Ambos galardoados son profesores da USC e membros do Centro de Investigación e Tecnoloxía Matemática de Galicia (CITMAga) e foron acompañados no acto de entrega polo vicerreitor de Investigación e Innovación da USC, Vicente Pérez Muñuzuri.

Con periodicidade anual e de ámbito estatal, estes galardóns recoñecen a orixinalidade, a innovación e a contribución aos campos da Estatística e a Investigación Operativa co dobre obxectivo de incentivar o traballo de investigación neses dous campos e a súa proxección á sociedade.

 

DEIXAR UNHA RESPOSTA

Please enter your comment!
POLÍTICA DE COMENTARIOS:

GCiencia non publicará comentarios ofensivos, que non sexan respectuosos ou que conteñan expresións discriminatorias, difamatorias ou contrarias á lexislación vixente.

GCiencia no publicará comentarios ofensivos, que no sean respetuosos o que contentan expresiones discriminatorias, difamatorias o contrarias a la ley existente.

Please enter your name here

Este sitio emprega Akismet para reducir o spam. Aprende como se procesan os datos dos teus comentarios.