A USC acada o ‘top 10’ en varias probas da Formación Sanitaria Especializada

O estudante de Psicoloxía Adrián González Suárez obtivo a mellor nota de España, mentres que outros compañeiros e compañeiras acabaron entre as 10 mellores probas

Alumnos e alumnas da Universidade de Santiago de Compostela acadaron varios postos entre as 10 mellores probas de diversas categorías da Formación Sanitaria Especializada (FSE), que dan acceso ás prazas de Medicina, Farmacia, Psicoloxía, Enfermaría, Física, Química ou Bioloxía Internos Residentes. Un deles, o alumno da Facultade de Psicoloxía da USC Adrián González Suárez, obtivo a primeira posición nas probas da súa especializada.

No número dous do MIR quedou Joaquín Vila García, da Facultade de Medicina. No 5, do PIR quedou Lía Pereira Lappin. Tres alumnas de Farmacia situáronse tamén entre as 10 probas mellor valoradas do FIR; foron María Puente Iglesias (posto número 6), María Alfonsín Lara (número 8) e Andrea Luaces Rodríguez (número 9). Tamén no MIR, Miguel Rodríguez Iglesias obtivo a posición número 9.

Publicidade

Os resultados son aínda provisionais logo de abrirse un período de reclamacións que está pendente de resolverse. Mais, por agora, outros dous alumnos da USC situáronse entre os 20 mellores do MIR: son Manuel Lorenzo Diéguez, no posto 19, mentres que Tristán Gabriel Sobral Costas logrou a posición número 20.

DEIXAR UNHA RESPOSTA

Please enter your comment!
Please enter your name here

Este sitio usa Akismet para reducir o spam. Aprende como se procesan os datos dos teus comentarios.

Relacionadas

Péptidos para transportar medicamentos xenéticos: a aposta de TraffikGene

A empresa nada na USC, gañadora GCiencia Galicia Spin-Off como Idea Emerxente, desenvolve unha plataforma para conducir ADN e ARN ao interior das células

Radiografía do consumo de alimentos ultraprocesados na infancia: “Estase a perder a dieta atlántica”

Unha investigación con participación galega relaciona este tipo de comida con sobrepreso e obesidade, resistencia á insulina e dislipemias en idades preescolares

A historia de Sancha e do crego Vivian: vivir á marxe do matrimonio no Lugo do século XIII

Un estudo da USC analiza dous textos do mosteiro de Oseira nos que aparece por primeira vez na documentación galega a palabra "concubina" dunha forma non represiva

Que hai detrás dunha axuda Marie Curie? Catro investigadores contan como conseguiron a súa

Atopar un grupo receptor complementario, construír un proxecto sólido e contar con apoio institucional son algunhas das claves que destacan os beneficiarios das bolsas europeas no CiQUS