A Universidade de Santiago de Compostela mantén aberto ata o 21 de xullo o prazo de solicitudes para as catro bolsas de estudo dirixidas a persoas con estatuto de refuxiado en España, ou ben que o teñan solicitado na actualidade. Os estudantes que queiran optar á bolsa deberán posuír acreditación da condición de refuxiado por parte da Axencia da ONU para os Refuxiados (Acnur) ou a da Axencia da ONU para os Refuxiados de Palestina (Unrwa) ou procedan dalgúns dos seguintes países cos que a USC ten vínculos establecidos a través dos proxectos de cooperación Erasmus Mundus: Líbano, Palestina, Siria, Xordania, Irán, Iraq ou Iemen.
As catro bolsas divídense en dúas modalidades: dúas prazas serán de nova adxudicación para iniciar ou continuar estudos de grao, máster ou doutoramento, e outra para a renovación de dúas bolsas outorgadas durante o curso recentemente rematado.
As persoas interesadas poden atopar máis información neste enlace.
