A tese de Soraya Learte, investigadora do Centro Singular de Investigación en Química Biolóxica e Materiais Moleculares (CIQUS) da Universidade de Santiago de Compostela (USC), foi considerada unha das oito mellores teses do mundo de 2021 en química. Así o anuncia a Unión Interancional de Química Pura e Aplicada (IUPAC) e Solvay na resolución dos seus premios internacionais para mozos químicos deste ano.
A tese de Learte, realizada baixo a dirección de José Luis Mascareñas, director e investigador principal do CiQUS, afonda no deseño de novos encimas artificiais para o seu estudo en diferentes aplicacións dentro do campo da química biolóxica. Ademais, foi a única tese española galardoada nos premios IUPAC-Solvay 2022.
Novo avance no estudo de enzimas artificiais
A tese de Soraya Learte, que leva por título Metalopéptidos e metaloproteínas en química biolóxica: da unión ao ADN á catálise intracelular, foi desenvolvida plenamente no CiQUS e describe o deseño, síntese e aplicación de metalopéptidos e metaloproteínas dentro da área da Química Biolóxica. O estudo, que supón un novo avance na investigación de metaloenzimas artificiais activas, para o tratamento de enfermidades como o cancro, recibiu a cualificación de sobresaínte cum laude e a mención europea (doutoramento internacional). Ademais a autora foi tamén premio Lilly 2021, que recoñece a excelencia investigadora no ámbito académico, por este mesmo traballo.
Ademais, o mesmo traballo foi premiado pola Real Sociedade Española de Química como a mellor tese do 2021 na especialidade de Química Biolóxica. Este premio está dotado dun total de 800 euros e a posibilidade de presentar a túa tese en forma de comunicación oral na seguinte bienal do Grupo Especializado en Química Biolóxica CEQB-RSEQ Valencia 2022.
Os premios IUPAC-Solvay 2022 para mozos químicos están destinados a recoñecer as mellores teses doctorais do mundo na área da química, diferenciadas ao longo do ano anterior. O premio naceu no ano 2000 co obxectivo de alentar aos xóvenes investigadores no comezo das súas carreiras científicas. Nesta convocatoria, o comité de selección, presidido por Christopher Brett, expresidente da UIPAC, otorgou cinco galardóns e tres mencións honoríficas, entre as que se encontra a tese da investigadora do CiQUS como única representante española.
