A Biblioteca Concepción Arenal é a que máis horas de estudo sumou na iniciativa de 2018. Foto: USC.
A Biblioteca Concepción Arenal é a que máis horas de estudo sumou na iniciativa de 2018. Foto: USC.

Olimpíada Solidaria: un euro para Ecuador e Congo por cada hora de estudo

A USC celebra ata o 5 de decembro a 17ª edición desta iniciativa, na que as entidades patrocinadoras colaboran mediante a participación do alumnado

O Servizo de Participación e Integración Universitaria da USC (SEPIU) e a Fundación Coopera impulsan ata o vindeiro 5 de decembro a XVII Olimpíada Solidaria de Estudo, unha acción de educación para o desenvolvemento e de sensibilización na que pode participar o alumnado da USC nos seus campus de Santiago e Lugo. Baixo o lema ‘Estou onde podo axudar’, por cada hora de estudo, as entidades patrocinadoras destinarán un euro para apoiar proxectos educativos en Ecuador e O Congo.

Entre os obxectivos destes proxectos educativos están lograr formación profesional e persoal para 220 mulleres emprendedoras na provincia de Manabí en Ecuador, unha das máis afectadas no terremoto de 2016; así como a capacitación agrícola e apoio ás actividades comerciais das 463 mulleres integrantes da Plataforma Ecolo Femmes en Kivu Sur (O Congo) son as dúas causas ás que se destinarán os fondos recadados.

Para facer o cómputo total das horas habilitouse, como en anos anteriores, un terminal informático, no que o estudantado ten que introducir a Tarxeta Universitaria de Identidade (TUI), no momento de entrar á sala e ao saír.

Na pasada edición da Olimpíada, a USC acadou 37.535 horas de estudo en Santiago e 9.928 no de Lugo

Dende o SEPIU, destacan que a USC é unha das entidades do Estado español que máis cartos recadou na Olimpíada do curso pasado e agardan que na edición deste ano volvan repetirse estes positivos resultados. Grazas á colaboración de 2.802 estudantes (952 homes e 1.850 mulleres), a décimo sexta edición da Olimpíada Solidaria de Estudo recadou en 2018, nas súas 18 bibliotecas, un total de 44.463 euros.

Na edición do ano pasado, no campus de Compostela acadáronse 37.535 horas de estudo, coa Biblioteca Concepción Arenal á cabeza, e no de Lugo 9.928. En terceiro, cuarto e quinto lugar, quedaron as facultades de Física, Filoloxía e Matemáticas, esta última cun aumento considerable de participación con respecto ao ano pasado. Para obter máis información sobre esta iniciativa, pode contactarse co SEPIU no 881 812 858 ou por correo electrónico no enderezo sepiu.santiago@usc.es.

DEIXAR UNHA RESPOSTA

Please enter your comment!
POLÍTICA DE COMENTARIOS:

GCiencia non publicará comentarios ofensivos, que non sexan respectuosos ou que conteñan expresións discriminatorias, difamatorias ou contrarias á lexislación vixente.

GCiencia no publicará comentarios ofensivos, que no sean respetuosos o que contentan expresiones discriminatorias, difamatorias o contrarias a la ley existente.

Please enter your name here

Este sitio emprega Akismet para reducir o spam. Aprende como se procesan os datos dos teus comentarios.