O exfuracán ‘Danielle’ activa a alerta amarela no litoral galego e puntos do interior

As precipitacións serán especialmente intensas a primeira hora do martes na costa atlántica, o Miño e zonas montañosas do interior

A borrasca 'Danielle', situada frente a costa galega.

O exfuracán Danielle chegou a Galicia en forma de borrasca, tal e como estaba previsto. A súa presenza manterá en aviso amarelo por choiva a todo o litoral atlántico e varias zonas do interior de Galicia durante a tarde deste luns e todo o martes, cando se esperan fortes precipitacións durante a xornada.

As previsións de Meteogalicia apuntaban a chuvascos na tarde deste luns de máis de 15 milímetros de acumulado durante unha hora na costa da Coruña e Pontevedra e a zona do Miño. Ademais, tamén estará activo un aviso amarelo por ventos na montaña de Ourense e Lugo.

A choiva dará unha tregua durante a madrugada para regresar con máis forza á primeira hora do martes. Desde as 09,00 horas, de novo a costa atlántica, o Miño e as zonas de montaña do interior estarán en aviso amarelo por precipitacións que poden alcanzar os 40 milímetros de acumulado durante 12 horas.

O primeiro episodio de choivas desde abril

A borrasca Danielle situarase durante uns días no oeste da Península, desde onde enviará distintas frontes que regarán parte do territorio, sobre todo a metade occidental e a contorna dos Pireneos, segundo informou a Axencia Estatal de Meteoroloxía (AEMET), que destaca que este é o primeiro episodio de choivas desde o mes de abril, que provocará o paso dun tempo plenamente estival a un ambiente preotoñal.

Xunto coas precipitacións producirase un notable descenso das temperaturas na maior parte de España que deixará un ambiente fresco para esta época do ano, sobre todo no oeste do país.

No conxunto da península, o prognóstico apunta a que a fronte asociada a Danielle penetrará e provocará que as precipitacións se estendan a practicamente todo o país, excepto no Cantábrico, a costa mediterránea, no sueste e en Baleares. No resto, ás choivas sumaranse as tormentas, que serán máis frecuentes e máis abundantes no oeste de Galicia, noroeste de Castela e León, contorna da cordilleira Cantábrica, Estremadura, Andalucía Oriental e sistema Central.

Respecto ao mércores, seguirán as precipitacións na metade oeste da Península e zona centro, con choivas ocasionalmente acompañadas de tormentas, que tamén se poderán producir nos Pireneos, onde poderán ser abundantes. Estas precipitacións serán abundantes e tamén poderían selo no oeste do sistema Central, norte de Estremadura e Galicia.

DEIXAR UNHA RESPOSTA

Please enter your comment!
POLÍTICA DE COMENTARIOS:

GCiencia non publicará comentarios ofensivos, que non sexan respectuosos ou que conteñan expresións discriminatorias, difamatorias ou contrarias á lexislación vixente.

GCiencia no publicará comentarios ofensivos, que no sean respetuosos o que contentan expresiones discriminatorias, difamatorias o contrarias a la ley existente.

Please enter your name here

Este sitio emprega Akismet para reducir o spam. Aprende como se procesan os datos dos teus comentarios.