Weltanschauung xa é a palabra galega máis buscada. Así aparece no dicionario da RAG.

‘Weltanschauung’, a palabra galega máis buscada no dicionario da RAG

O termo filosófico admitido pola Real Academia Galega colocouse no primeiro lugar entre as palabras máis consultadas no mes de xaneiro de 2021

A palabra máis sorprendente recollida no Dicionario da Real Academia Galega é ‘weltanschauung‘, que aparece identificada como substantivo feminino e a seguinte definición: “Filosofía. Xeito de concibir o mundo e a vida” A entrada ao termo inclúe un exemplo: “A weltanschauung cristiá“.

O dicionario sempre achega sorpresas. E dende que ‘weltanschauung‘ apareceu como admitida polos lexicógrafos da academia galega, son comúns en Twitter os comentarios e mesmo as críticas pola incorporación deste termo filosófico alemán. Algúns pensan que é unha palabra demasiado técnica e afastada do galego mentres existen outras máis tradicionais que non aparecen no dicionario.

E o interese por tan curiosa palabra ‘galega’ levou a que neste mes de xaneiro de 2021 se teña convertido na palabra máis buscada do Dicionario da RAG, por riba de ‘zorra’, ‘presa’, ‘mais’ e ‘póla’, que ocupan as posicións da segunda a quinta entre as entradas máis procuradas en liña.

Weltanschauung é unha expresión introducida polo filósofo Wilhelm Dilthey, membro da escola hermenéutica.

1 comentario

DEIXAR UNHA RESPOSTA

Please enter your comment!
POLÍTICA DE COMENTARIOS:

GCiencia non publicará comentarios ofensivos, que non sexan respectuosos ou que conteñan expresións discriminatorias, difamatorias ou contrarias á lexislación vixente.

GCiencia no publicará comentarios ofensivos, que no sean respetuosos o que contentan expresiones discriminatorias, difamatorias o contrarias a la ley existente.

Please enter your name here

Este sitio emprega Akismet para reducir o spam. Aprende como se procesan os datos dos teus comentarios.