Venres 1 Marzo 2024

Abraiante vídeo no fondo do mar: un mero devora un tiburón enteiro

Investigadores estadounidenses gravan unha peculiar escena no medio dun banquete de peixes arredor dun peixe espada morto

Pola dificultade de achegarse a eles, non adoita haber imaxes que poidan amosar como é a vida nun día normal no fondo do mar. Son ecosistemas cheos de vida, onde conviven todo tipo de especies, coas súas relacións e xerarquías. Por iso, cando os científicos da NOAA se atopan con imaxes como as que recolleron na costa de Estados Unidos, estes vídeos adoitan percorrer o mundo por amosar o abraiante e desconcertante que pode ser a naturaleza no seu esplendor. E podemos ver, como é o caso, a un mero (Polyprion americanus) devorando unha especie de tiburón (Squalus clarkae) descuberta recentemente nesta zona da costa norteamericana.

As imaxes foron captadas no marco da busca do petroleiro SS Bloody Marsh, afundido por tropas alemanas durante a Segunda Guerra Mundial. Foi a 450 metros de profundidade e a uns 130 quilómetros da costa de Carolina do Sur. Un grupo de tiburóns está devorando os restos dun peixe espada cando aparece na zona un mero, tamén coñecido como cherna.

Publicidade

E de súpeto, acontece algo inesperado. As cámaras captan como o mero caza un dos tiburóns e comeza a devoralo, ante a sorpresa e exclamacións dos científicos que seguían a escena.”É un feito raro e sorprendente, que deixa máis preguntas que respostas, pero esta é a natureza e a fermosura da exploración científica”, declarou o científico Paul Auster, da Universidade de Connecticut.

DEIXAR UNHA RESPOSTA

Please enter your comment!
Please enter your name here

Este sitio emprega Akismet para reducir o spam. Aprende como se procesan os datos dos teus comentarios.

Relacionadas

Crean en Vigo un mapa de biodiversidade costeira a partir de 11.000 chíos

A análise da información recompilada na rede X permite, cun baixo custo, complementar os programas existentes de vixilancia
00:00:22

Ibai, Luceira e Lula: as tres tartarugas que vararan en Galicia volven ao mar

Despois de pasar por un centro de recuperación e expulsar todos os plásticos do tracto dixestivo poden regresar ao océano
00:02:51

As mariscadoras pensan en abandonar o mar: o marisco non medra ou morre

As rías experimentan unha caída da produción derivada da sobreexplotación e o cambio climático. Nas últimas semanas a situación agravouse polas riadas

A borrasca Domingos bate o récord de altura significante de onda de Portos do Estado

A boia de Estaca de Bares na Coruña rexistrou 13,95 metros (Hs) o sábado 4 de novembro, o que representa a media da terceira parte das ondas máis altas