Pola dificultade de achegarse a eles, non adoita haber imaxes que poidan amosar como é a vida nun día normal no fondo do mar. Son ecosistemas cheos de vida, onde conviven todo tipo de especies, coas súas relacións e xerarquías. Por iso, cando os científicos da NOAA se atopan con imaxes como as que recolleron na costa de Estados Unidos, estes vídeos adoitan percorrer o mundo por amosar o abraiante e desconcertante que pode ser a naturaleza no seu esplendor. E podemos ver, como é o caso, a un mero (Polyprion americanus) devorando unha especie de tiburón (Squalus clarkae) descuberta recentemente nesta zona da costa norteamericana.
This #SharkAwarenessDay, watch this footage of a group of sharks (and a surprise grouper) captured by NOAA ship #Okeanos on its most recent deep sea expedition. Full video and more info on the sharks here: https://t.co/ZSR8lk8O6x pic.twitter.com/JH2qJq8BMH
— NOAA Research (@NOAAResearch) 14 de xullo de 2019
As imaxes foron captadas no marco da busca do petroleiro SS Bloody Marsh, afundido por tropas alemanas durante a Segunda Guerra Mundial. Foi a 450 metros de profundidade e a uns 130 quilómetros da costa de Carolina do Sur. Un grupo de tiburóns está devorando os restos dun peixe espada cando aparece na zona un mero, tamén coñecido como cherna.
E de súpeto, acontece algo inesperado. As cámaras captan como o mero caza un dos tiburóns e comeza a devoralo, ante a sorpresa e exclamacións dos científicos que seguían a escena.”É un feito raro e sorprendente, que deixa máis preguntas que respostas, pero esta é a natureza e a fermosura da exploración científica”, declarou o científico Paul Auster, da Universidade de Connecticut.