Esta vella ilusión óptica ten por nome ‘My Wife and My Mother- in-Law‘ (A miña muller e a miña sogra). E baséase na percepción facial: é posible ver a unha muller nova afastarse ou o perfil dunha muller maior mirando solemnemente cara ao lado esquerdo do debuxo.
Con todo, hai unha pista para ver as dúas imaxes: o colar da nova é a boca da anciá. O queixo da moza dóbrase como o nariz da muller maior, e o queixo da anciá tamén é o peito da rapaza.
Agora, un estudo australiano tentou determinar se existe un sesgo na idade do observador que determine que figura se ve primeiro. Segundo o estudo, unha persoa máis nova verá primeiro á muller máis nova, mentres que as persoas maiores primeiro verán á muller maior.
O estudo incluíu a 393 participantes (242 homes, 141 mulleres) de entre 18 e 68 anos, aínda que a idade media foi de 32 anos. Mostróuselles a imaxe durante medio segundo, e logo preguntáronlles o sexo e a idade da persoa que viron. Aínda que a maioría dos participantes viron á muller máis nova primeiro, podería deberse a que moitos dos participantes eran novos. Cando os investigadores separaron ao 10 por cento máis vello e ao 10 por cento máis novo dos enquisados, descubriron que o grupo máis vello vía primeiro á muller maior e o máis novo á muller nova.
O obxectivo do estudo foi determinar se “a idade afecta a interpretación inicial dunha imaxe a nivel subconsciente”.
O artigo foi publicado en Scientific Reports, do grupo Nature
e podes consultalo aquí:Perception of an ambiguous figure is affected by own-age social biases
