Traballar demasiado aumenta o risco de alcoholismo

Traballar en exceso pode levar ao alcoholismo. Confírmao unha investigación publicada no British Medical Journal (BMJ), que conclúe que as persoas que dedican ao seu emprego máis de 48 horas semanais son máis propensas a desenvolver esta adicción. “Algúns beben alcohol para aliviar o estrés, a depresión ou os problemas de sono”, explica Marianna Virtanen, investigadora do Instituto de saúde ocupacional de Helsinki (Finlandia) e autora principal do artigo. E, aínda que tomar unhas cervexas alivia momentaneamente a tensión, o alcoholismo ten efectos desastrosos sobre a capacidade de traballo, que inclúen absentismo laboral e ineficiencia.
A Directiva de Tempo de Traballo da Unión Europea establece un límite para a xornada laboral de 48 horas semanais, incluídas as horas extra, para protexer a saúde e a seguridade dos traballadores. Pero a realidade é que moita xente dedica demasiadas horas á súa actividade profesional por diversas razóns: para ascender, en busca dun aumento de soldo, por exceso de celo sobre o traballo ou porque así o esixe a empresa.

As longas xornadas de traballo aumentan o alcoholismo un 11%

En estudos previos xa se encontrara unha relación entre horas de traballo e risco de alcoholismo, pero eran análises con mostras reducidas. Virtanen e o seu equipo de investigación levaron a cabo a primeira revisión sistemática dos estudos que exploran este vínculo. Os resultados de todos eses traballos apuntan na mesma dirección. Nunha análise do consumo de alcohol sobre 333.693 persoas de 14 países, os investigadores encontraron que as longas xornadas aumentaban o risco de alcoholismo un 11%. Os autores da revisión non encontraron diferenzas entre homes e mulleres, distintos grupos de idade ou de status socioeconómico. Tampouco parece ser importante o lugar de procedencia.
Considérase de risco o consumo habitual máis de 14 bebidas semanais para as mulleres e 21 para os homes. Os autores recordan que esta inxestión aumenta o risco de problemas de saúde como enfermidades de fígado, cancro, derramo cerebral, enfermidade coronaria e trastornos mentais.

Publicidade

DEIXAR UNHA RESPOSTA

Please enter your comment!
Please enter your name here

Este sitio usa Akismet para reducir o spam. Aprende como se procesan os datos dos teus comentarios.

Relacionadas

Discurso galego contra as presións das revistas científicas na editorial do British Medical Journal

Dos investigadores do IDIS asinan unha tribuna na prestixiosa revista británica contra estudos científicos retractados que acaban nas guías clínicas

Onde deberías vivir segundo as túas prioridades de vida? Consúltao nesta páxina

O novo índice multidimensional deseñado polo INE permite consultar a través de nove parámetros que comunidade autónoma pode satisfacer mellor as necesidades de cada persoa

Un de cada cinco traballadores informa dunha mala saúde mental

Investigadores europeos están a desenvolver ferramentas para axudar ás empresas a mellorar a saúde mental dos seus empregados

Os adolescentes galegos comezan a consumir alcol aos 14 anos e de forma excesiva

O novo informe do Ministerio de Sanidade apunta a que a maioría dos que o proban consideran "normal" beber cinco ou máis copas en dúas horas