As doce esferas que ves nesta imaxe son da mesma cor. Pero ti dirías que hai catro verdes, catro azuis e catro avermelladas. Non é certo. É o teu cerebro que as interpreta dese xeito. E esta ilusión óptica se ten convertido nun dos fenómenos virais da semana.
Aquí podemos ver o mesmo en detalle:
O autor da imaxe é o enxeñeiro estadounidense David Novick, que traballla na Universidade de Texas e está considerado un dos grandes expertos mundiais en ilusións ópticas. E tamén hai unha versión con cubos:
A three-color confetti illusion with cubes, which appear to be blue, green, and yellow but in fact are all exactly the same light-green color (RGB 198,255,189). Shrinking the image increases the effect. Original png file is at https://t.co/6r2PMbLMJc. pic.twitter.com/L5PvZQjWci
— David Novick (@NovickProf) 15 de junio de 2019
Para comprobar que o teu cerebro é o responsable do engano, abonda con pasar as liñas horizontais cara atrás, por baixo das esferas. E son marróns. Todas.
O efecto óptico denomínase ‘ilusión de Munker‘ e amosa que o cerebro humano é mellor para distinguir formas que cores. E neste caso, expandimos a cor das raias ata as esferas, de xeito que o noso sistema visual interpreta que teñen cores diferentes.
A ilusión de Munker xa foi viral hai un ano cando apareceu a imaxe destas caveiras:
O teu cerebro percibe que as dúas caverias son distintas, pero en realidade as dúas son vermellas. Se prestas atención á caveira da dereita poderás comprobar que as franxas amarelas están superpostas ao resto. Mentres tanto, as raias azuis son protagonistas na figura da esquerda. Deste xeito, o autor da ilusión óptica pode enganar ao cerebro do espectador e alterar a súa percepción da cor.
Todo iso grazas á ilusión de Munker-White. Un efecto óptico, que leva ao cerebro a organizar a información atendendo á luminancia percibida do obxecto, que provoca que percibamos as figuras de distintas cores.
E aquí podes ler a reportaxe sobre o certame de ilusións ópticas que a galega Susana Martínez-Conde organiza cada ano na Universidade do Estado de Nova York:
