Os políticos progresistas son máis felices que os conservadores

É máis feliz quen di que o é? Ou é máis feliz quen o transmite cos seus actos? Estudos baseados en autoavaliacións indicaban que os políticos conservadores eran máis felices que os progresistas, pero unha nova análise de comportamentos di o contrario. Con técnicas de big data, os autores analizaron millóns de palabras das transcricións do Congreso de Estados Unidos, ademais de fotos e tuits. A conclusión é que os políticos de esquerdas usan unha linguaxe emocional positiva con máis frecuencia e sorrín máis xenuinamente nas súas fotografías.
Investigadores da Universidade de California en Irvine (UCI) levaron a cabo este traballo, que indica que os políticos de esquerdas estadounidenses son máis felices que os de dereitas. O traballo publícase no último número da revista Science.
Segundo sinala Sean Wojcik, investigador de psicoloxía e comportamento social desta universidade e autor principal do traballo, os estudos que se publicaran con anterioridade estaban baseados na autoavaliación. “Non obstante, as afirmacións acerca da felicidade propia, ao igual que as de intelixencia ou moral poden inflarse polo desexo de vernos a nós mesmos cunha luz positiva”, destaca.

Os conservadores din ser máis felices pero o estudo pon en dúbida a afirmación

Para avaliar as diferenzas, Wojcik e os seus colegas recorreron a fontes de big data. En concreto, os autores analizaron millóns de palabras das transcricións do Congreso de EUA, fotografías dos parlamentarios, 47.000 tuits e 500 fotos de LinkedIn. “Os resultados indican que os políticos de esquerdas utilizan unha linguaxe emocional positiva con máis frecuencia e sorrín máis xenuinamente nas súas fotografías”, sinala o estudo.
“Sorprendeunos a consistencia coa que se podía predicir un comportamento feliz por ter unha ideoloxía política progresista”, destaca Wojcik. “Vimos patróns similares de linguaxe emocional e de comportamento risoño entre os membros do Congreso, os usuarios de Twitter e LinkedIn”.
O estudo tamén pon de manifesto que no caso das autoavaliacións sobre felicidade e outras calidades como a intelixencia, a moral e as habilidades sociais, os conservadores tenden a verse a si mesmos dende un prisma moito máis favorable. “Valóranse en xeral por enriba da media“, di o autor. Probablemente, isto sexa así pola propia idiosincrasia da ideoloxía conservadora, cunha énfase no individualismo e a competencia, que os fai máis propensos a dar valor ás aparencias, segundo a opinión dos investigadores.

Publicidade

Podes acceder ao artigo
neste enlace da revista Science

DEIXAR UNHA RESPOSTA

Please enter your comment!
Please enter your name here

Este sitio emprega Akismet para reducir o spam. Aprende como se procesan os datos dos teus comentarios.

Relacionadas

LIA (2), pioneiros galegos no desenvolvemento da intelixencia artificial na astronomía

O grupo da UDC recibiu o Premio Spin-Off PuntoGal na edición 2023 pola súa traxectoria de éxito

Social Minder, a ferramenta que detecta bulos da covid en redes sociais

A tecnoloxía desenvolvida polo CiTIUS monitoriza os contidos difundidos en Internet para analizar problemas como a desinformación

Ferramentas galegas de acceso libre para a xestión da Big Data

O grupo de estatística do CINBIO desenvolve unha liña de investigación sobre os problemas dos datos de alta dimensión

Dopamina: o neurotransmisor que nos dá a felicidade, pero tamén nola quita

Intervén nunha gran cantidade de procesos como o control do movemento, a memoria, a recompensa cerebral e a aprendizaxe, entre outros