Luns 4 Marzo 2024

Os cans recoñecen as emocións ao mover o rabo a esquerda ou dereita

Os cans responden de xeito diferente cando os seus semellantes moven a cola á dereita que cando o fan cara á esquerda. Isto é o que demostrou un equipo de investigadores liderados polo Centro Mente e Cerebro da Universidade de Trento (Italia) que asegura que no cerebro destes animais, ao igual que no dos humanos, o hemisferio esquerdo e dereito xogan un rol diferente.
Concretamente, os cans moven a súa cola á dereita cando senten emocións positivas (ao ver os seus donos, por exemplo) e á esquerda cando estes son sentimentos negativos (ao ver un can antipático).

Cando os cans ven mover a cola doutros á esquerda senten ansiedade

Segundo Giorgio Vallortigara, investigador principal, nun artigo en Current Biology: “A activación do hemisferio cerebral esquerdo produce un movemento da cola á dereita, e a activación do hemisferio dereito produce que a súa cola se mova á esquerda”.
Para chegar a esta argumentación, os investigadores mostraron a distintos cans vídeos doutros canes que movían a cola cara a un lado ou cara ao outro. Cando os animais observaron que o seu semellante movía a cola á esquerda, o seu ritmo cardíaco aumentou e comezaron a sentirse ansiosos. Non obstante, cando viron que o outro can movía a cola cara á dereita quedaron perfectamente relaxados.
O investigador non cre que os cans o fagan de forma intencionada para comunicar esas emocións a outros cans, senón máis ben eses movementos da cola serían o resultado dunha resposta automática da activación diferencial do hemisferio esquerdo e dereito do cerebro. Iso si, este tipo de respostas podería ter aplicacións prácticas para veterinarios e donos de cans.
“A estratexia de achegarse dende a esquerda ou dende a dereita podería ser eficaz para os veterinarios durante as visitas dos animais ou poderíanse utilizar bonecos para explotar as asimetrías das súas respostas emocionais”, di Vallortigara.

Publicidade

DEIXAR UNHA RESPOSTA

Please enter your comment!
Please enter your name here

Este sitio emprega Akismet para reducir o spam. Aprende como se procesan os datos dos teus comentarios.

Relacionadas

Por que os humanos non teñen cola? A resposta está nos “xenes saltóns”

Un estudo publicado na revista 'Nature' explica que secuencias móbiles de ADN propiciaron a perda deste apéndice

O meu can sofre ansiedade? Así podemos detectala e tratala

Ladrido excesivos, caída de pelo, tremores, agresividade... A ansiedade patolóxica pode manifestarse con múltiples síntomas

A calor e a contaminación poden aumentar as mordeduras de can

Un equipo de EEUU identificou un incremento da agresividade canina nos días con maiores índices de radiación ultravioleta, ozono e temperaturas

Os cans sinalan obxectos aos humanos, pero os porcos non

A etóloga Paula Pérez Fraga é a primeira autora dun estudo que investiga como se comunican as especies domésticas cos seus titores