9Sexo entre hembras para manter a raia aos machos. Un novo estudo do Instituto Max Planck de Antropoloxía Evolutiva en Alemaña amosa por que as interaccións sexuais entre animais do mesmo sexo son tan importantes na familia dos bonobos, particularmente nas femias, que permanecen máis unidas despois de manter relacións sexuais entre elas e reforzan o apoio mutuo.
Os bonobos teñen un comportamento social máis tranquilo que outros simios como os chimpancés. E unha das razóns pode estar en que manteñen relacións sexuais máis espontáneas, ás veces entre femias, o que contribúe a afianzar as relacións sociais, segundo os expertos.
Na natureza, a maioría das femias adultas experimentan contactos xenitais entre elas. En concreto, as de bonobos (Pan paniscus) son moi estudadas polo seu comportamento sexual xa que son unha das poucas especies nas que todos os membros adultos teñen relacións sexuais habituais entre individuos do mesmo sexo.
Agora, unha nova investigación, publicada na revista Science Direct, do grupo Nature, explica que estas acontecen con máis frecuencia, sobre todo entre femias, que as interaccións con bonobos do sexo oposto. Ademais, estas relacións poden reforzar as relacións sociais posteriores.
Existen varias teorías para explicar esta conduta sexual entre membros do mesmo sexo entre os bonobos. Podería ser, por exemplo, unha vía para reducir a tensión social, previr as agresións ou formar vínculos sociais.
Con todo, ningún destes estudos pode explicar por que tal comportamento acontece tan frecuentemente entre as femias e non entre os machos. Para levar a cabo a investigación, recolléronse datos de comportamento e hormonais durante máis dun ano de todos os membros adultos dunha comunidade de bonobos situados no bosque de Lui Kotale, na República Democrática do Congo.
Os resultados amosaron que as femias preferían ter relacións sexuais con outras femias en lugar de con machos
Os científicos tamén reuniron mostras de ouriños para medir a oxitocina, hormona que se libera no corpo despois das interaccións sociais amigables –incluíndo o sexo– e que axuda a promover a cooperación. Os resultados amosaron que as femias preferían ter relacións sexuais con outras femias en lugar de con machos.
Aínda que os expertos centráronse en estudar as interaccións sexuais, tamén trataron de identificar que parellas preferían os bonobos para outras actividades sociais, como dar apoio nos conflitos. Así observaron que, despois do sexo, as femias permanecían máis preto unhas das outras que as parellas de sexo mixto.
Ademais, as femias experimentaron aumentos significativos na oxitocina urinaria despois de ter relacións sexuais con outras femias, pero non despois de telas con machos.
Por outra banda, entre as parellas do mesmo sexo e os opostos, os membros que tiñan relacións sexuais con máis frecuencia tamén se apoiaban máis entre si nos conflitos posteriores, pero a maioría destas coalicións formábanse entre mulleres.
“Este comportamento podería explicar por que as femias alcanzan altos rangos de dominio na comunidade de bonobos”, explica Martin Surbeck, coautor do estudo e investigador do Instituto Max Planck de Antropoloxía Evolutiva e da Universidade de Harvard (EUA).
“O noso estudo suxire que tanto en humanos como nun parente filoxenético próximo, a evolución do comportamento sexual do mesmo sexo pode proporcionar novas vías para promover altos niveis de cooperación”, conclúe a coautora Liza Moscovice.
E aquí podes consultar o artigo científico en Science Direct
O título merece uma reestruturação: ajuda-as.
Interessante hipótese: homossexualidade vs patriarcado.