Venres 29 Marzo 2024

O 85% dos nenos españois abusa do sal

Un recente estudo, realizado por un equipo de científicos da Universidade Complutense de Madrid (UCM) e publicado no European Journal of Nutrition, analiza a inxesta de sal nos nenos. Este compoñente é un dos aditivos máis usados na alimentación pero, un consumo excesivo, pode xerar numerosos problemas de saúde, como hipertensión, osteoporose ou obesidade. Os rapaces son un grupo sensible xa que é na infancia onde se conforman os hábitos alimentarios.

Os resultados do estudo amosan que os nenos españois inxiren unha media de 7,8 gramos de sal ao día. Isto implica que o 84,5% dos menores de 10 anos e o 66,7% dos maiores de 10 consome máis sal da recomendada pola Organización Mundial da Saúde (OMS), que estipula un consumo de entre 4 e 5 gramos ao día, respectivamente.

Publicidade

Segundo os expertos, se dende cativos se comeza a consumir alimentos salgados, é moi probable que de maiores se siga a facer, de aí a necesidade de reducir as cantidades deste complementos alimentarios dende idades temperás.“Moitos pais non son conscientes de que os seus fillos, ou eles mesmos, están a tomar un exceso de sal. E pénsase que, para reducir o seu consumo, é suficiente con controlar a cantidade que se lle engade aos alimentos para cociñar”, explica a investigadora da UCM e autora principal do traballo Aránzazu Aparicio. Nos países industrializados, como é o caso de España, soamente o 20-25% do sal que se inxire provén do que as persoas cociñan.

A maior parte do sal que os adultos e nenos consumen proven do sal “oculta” nos alimentos, “especialmente dos procesados”, sinala a investigadora. Os produtos que máis conteñen esta sustancia son os embutidos, seguidos do pan e o pan de molde, a pizza e os pratos precociñados, os caldos en cubito e as salchichas.

Algúns sectores alimentarios comezaron a reducir o contido do sal nos seus produtos, dunha forma gradual para que os consumidores non notaran os cambios de sabor nos produtos.

DEIXAR UNHA RESPOSTA

Please enter your comment!
Please enter your name here

Este sitio emprega Akismet para reducir o spam. Aprende como se procesan os datos dos teus comentarios.

Relacionadas

Europa prorroga 10 anos o glifosato, o herbicida “canceríxeno” usado masivamente en Galicia

É o produto fitosanitario máis eficaz contra as malas herbas, pero numerosos artigos científicos atribúenlle efectos nocivos na saúde das persoas

Estes son os alimentos que conteñen o edulcorante declarado “posiblemente canceríxeno” pola OMS

O aspartamo atópase en miles de produtos que consumimos habitualmente, dende a pasta dentífrica ata as píldoras para a tose

A OMS podería declarar canceríxeno o edulcorante máis usado no mundo, o aspartamo

Os expertos do organismo internacional poderían establecer límites ao uso desta substancia presente en bebidas e lambetadas

Tres de cada dez galegos respiraron en 2022 un aire moi contaminado que supera os límites legais

A totalidade da poboación de Galicia estivo exposta o ano pasado a uns niveis insalubres de contaminación, segundo un informe de Ecoloxistas en Acción