Imaxe do cocido galego censurada por Instagram, e recuperada pouco despois.Imaxe do cocido galego censurada por Instagram, e recuperada pouco despois.
Imaxe do cocido galego censurada por Instagram, e recuperada pouco despois.

Instagram pide desculpas e recupera a foto “censurada” do cocido galego

Un portavoz de Facebook admite un "erro" ao eliminar o contido, que xa volve estar dispoñible no perfil do usuario que a publicou

Despois da polémica viral pola “censura” dunha foto dun cocido galego que denunciou esta semana un usuario de Instagram, as augas volven ao seu leito. Ao longo deste martes, a publicación que desapareceu do perfil de Richard Barreira está de novo dispoñible debido a que os xestores da rede rectificaron.

“O contido foi desactivado por un erro e xa foi republicado. Pedimos desculpas“, dixo un portavoz de Facebook consultado por GCiencia.

 

Ver esta publicación en Instagram

 

Primer cocido de la temporada en casa Rosi #cocido #cocidogallego #sihayquepecarsepeca #galiciacalidade #galiciamola

Una publicación compartida de Richard Barreira Baños (@richardbarreira) el

O propio usuario da conta amosábase satisfeito, e tiraba do refraneiro ante a situación: “Non queriades caldo, iluminados de Instagram? Pois tomade cocido!“. Con todo, ademais dos comentarios que apoiaban ao autor das imaxes, outras persoas sostiñan que a censura estaba ben, ao tratarse de “cadáveres mutilados” de animais.

A censura do cocido galego

A noticia percorreu as redes despois de que o propio usuario achegara unha na que, se podía ler a mensaxe que indicaba que a foto do cocido galego incumpría as normas de comunidade, acompañando a mensaxe co argumento de que non se aceptaban “certas cousas”, como “violencia gráfica”, “linguaxe que incita ao odio, acoso e bullying”, e “espidos e actividade sexual”.

As polémicas coas imaxes que tanto Facebook como Instagram deciden eliminar son habituais. Non é a primeira vez que personaxes públicos denuncian a eliminación de fotos nas que aparecen espidos. E mesmo chegaron a eliminarse imaxes de obras de pintores como Rubens, debido ás persoas espidas que saen nelas.

DEIXAR UNHA RESPOSTA

Please enter your comment!
POLÍTICA DE COMENTARIOS:

GCiencia non publicará comentarios ofensivos, que non sexan respectuosos ou que conteñan expresións discriminatorias, difamatorias ou contrarias á lexislación vixente.

GCiencia no publicará comentarios ofensivos, que no sean respetuosos o que contentan expresiones discriminatorias, difamatorias o contrarias a la ley existente.

Please enter your name here

Este sitio emprega Akismet para reducir o spam. Aprende como se procesan os datos dos teus comentarios.