Os fenómenos metorolóxicos poden sorprender por moito que esteamos habituados a eles. As temperaturas extremadamente baixas ou cálidas, o vento, as grandes ondas ou as épocas de chuvia e seca dan moito que falar nas conversas cotiás da xente en todo o mundo. Porén, o menos habitual é topar con sucesos que implican a animais como as iguanas nun evento producido polo clima.
Nestes días, o sur da Florida, onde se atopa a cidade de Miami, vai vivir unha das vagas de frío máis intensas dos últimos anos, nunha rexión habituada a temperaturas máis propias do Caribe. E hai algunhas especies de fauna, propias de latitudes tropicais, que van sufrir o impacto das baixas temperaturas. É o caso das iguanas, protagonistas dunha curiosa advertencia lanzada polo Servizo Nacional de Meteoroloxía (NWS).
Jan 21 – This isn’t something we usually forecast, but don’t be surprised if you see Iguanas falling from the trees tonight as lows drop into the 30s and 40s. Brrrr! #flwx #miami pic.twitter.com/rsbzNMgO01
— NWS Miami (@NWSMiami) January 21, 2020
Tal e como explican na súa mensaxe, as iguanas son animais de sangue frío, adaptadas a ambientes cálidos, e que desenvolven un curioso mecanismo de adaptación cando as temperaturas baixan moito. O seu fluxo sanguíneo vese practicamente paralizado, polo que fican inmóbiles, nunha especie de hibernación, ata que os termómetros volven subir e recuperan a súa actividade habitual.
A propia Organización Meteorolóxica Mundial (WHO) se fixo eco nas redes da curiosa advertencia, constatando xa os primeiros casos da “chuvia” de iguanas.
Verification of the @NWSMiami iguana warning! Via @EricBlake12 pic.twitter.com/BARRN1Zgjn
— WMO | OMM (@WMO) January 22, 2020
