Xullo perfílase como un excelente mes para os seguidores da astronomía. Porque, durante a noite do 27 e 28 de xullo , chega a eclipse lunar máis longa rexistrada no século XXI. Os astrónomos esperan que a eclipse total dure 1 hora e 43 minutos completos, sumados á eclipse parcial, que acontece antes e despois da fase da eclipse total, cunha duración de 3 horas e 55 minutos.
Unha eclipse lunar ocorre cando o Sol, a Terra e a Lúa están aliñados e a sombra da Terra escurece o noso satélite natural. Esta eclipse particular durará tanto tempo porque a Lúa pasará directamente pola rexión máis escura da sombra da Terra, coñecida como a umbra, que tamén lle dará á Lúa un brillo avermellado que nos Estados Unidos denominan “lúa de sangue”.
A lúa chea de xullo acontecerá ao mesmo tempo que o apoxeo da Lúa, que é cando a Lúa chega ao seu punto máis afastado da Terra na súa órbita mensual. Será a lúa chea máis pequena e máis afastada do ano, o que significa que a Lúa tardará máis tempo en atravesar a sombra escura da Terra, facendo que a eclipse dure máis tempo.
Só uns días despois da eclipse lunar, Marte pasará pola Terra no seu punto máis próximo a nós desde 2003. O 31 de xullo, o Planeta Vermello estará a só 57,6 millóns de kms de distancia da Terra, o que o fará claramente visible sen axuda de telescopios nin prismáticos.
