A NASA pagará case 16.476 euros a 24 persoas voluntarias por estar dous meses na cama. E aínda que isto parezca un soño para os preguiceiros, en realidade será unha vivencia moi difícil de aturar e da que esperan obter importantes resultados científicos.
A investigación da NASA vai facerse conxuntamente coa Axencia Espacial Europea para comprobar os efectos da falta de gravidade no corpo humano. Nun comunicado explican que sete destes experimentos “serán conducidos por grupos de investigación liderados por europeos, para validar os achados na Estación Espacial Internacional durante misións futuras”.
No estudo participarán 12 homes e 12 mulleres, que estarán nunha cama cunha inclinación de 6° por baixo da horizontal, durante 60 días consecutivos baixo a supervisión de investigadores médicos, que terán a tarefa principal de cerciorarse que as persoas estean a tocar todo o tempo o colchón cando menos cun dos seus dous ombreiros.
Looking forward to going to bed? Consider the volunteers in the @esa–@nasa bedrest study being held @DLR_en‘s :envihab facility. They are not allowed out of bed for 60 days! #ImageOfTheWeek shows putting a spin on the classical bedrest study: https://t.co/ESmKOyHgbx pic.twitter.com/MmDKmCURY9
— Human Spaceflight (@esaspaceflight) 26 de marzo de 2019
Tamén se investigará a función cardiovascular, o equilibrio, a forza muscular, o metabolismo e o rendemento cognitivo das persoas. Para poder postularse neste estudo debe cumprir con varias condicións, entre elas, debe ter entre 24 e 55 anos idade, non ter problemas de obesidade, medir entre 1,53 e 1,90 metros e, no caso da investigación europea, dominar o idioma alemán, xa que o experimento será coordinado pola Axencia Espacial Alemá.
Como explican os responsables do experimento, “o corpo humano está deseñado para a eficiencia e reduce notablemente todas as súas funcións e recursos cando no se usan a medio e longo prazo”.
“A perda de forza e a diminución da masa muscular que os atletas afeccionados comezan a sentir despois dunhas poucas semanas sen adestramento poden alcanzar niveis significativos entre os astronautas que viven nunha contorna sen peso durante as misións espaciais prolongadas”, explica a Axencia Espacial Alemá: “En ausencia de gravidade, prodúcese unha perda considerable de masa muscular e ósea, os fluídos corporais móvense cara á parte superior do corpo e redúcese a tensión en todo o sistema cardiovascular, o que leva a unha caída no rendemento”.
Por estas razóns, os voluntarios permanecerán 60 días na cama, de xeito que se poidan imitar en Terra os efectos da ausencia de gravidade no espazo.
Se queres participar no experimento, podes informarte e inscribirte na web do Instituto de Medicina Aeroespacial.
