“As alerxias a certos alimentos, a insectos, a urticaria solar e a friaxe”. Eses son os catro tipos de alerxia de maior incidencia no período estival. A máis perigosa é a urticaria a frigore (polo frío), segundo conclúen varios estudos.
“No verán, de produce ó bañarse de golpe na piscina, o río ou a praia”, explica o alergólogo Javier Monteseirín. “O paciente pode ter unha urticaria ou mesmo un shock que pode conducir á morte, polo que hai que ter coidado”, advirte. “Hai que destacar que esta alerxia é a responsable de bastantes mortes durante o verán e non se trata de cortes de dixestión, como aínda di moita xente”, continúa. A urticaria a frigore é a primeira causa de morte por reaccións alérxicas durante o verán.
“O paciente pode ter un shock que pode conducir á morte”
Con todo, a máis frecuente é o síndrome de alerxia oral pola inxestión de certos tipos de alimentos, como a froita ou a verdura”, explica. “Nos últimos anos esta patoloxía está a aumentar en proporcións xigantescas. Se hai 30 anos viamos un caso cada seis meses, hoxe poden pasar por consulta seis persoas por semana”.
Esta alerxia presenta: picores, inflamación, dificultade ao tragar e ao respirar, ao comer algunhas froitas ou verduras. “Hoxe en día collen as froitas moi verdes e póñenas en cámaras frigoríficas. O problema é que a pesar de estar cortadas, estas seguen vivindo e crean proteínas de defensa parecidas á dos poles aos que son alérxicos, e por iso reaccionan ao inxerir estes alimentos”, sinala Monteseirín.
A urticaria solar increméntase có buraco na capa de ozono
Pola súa banda, “a alerxia aos insectos afecta ao 1.5% da poboación en España, aínda que se calcula que a sensibilización se duplique en dez anos”. Nestes casos sempre hai que acudir ao alergólogo para poñer unha vacina específica, xa que o risco de morte pode resultar moi alto se se ten unha reacción xeralizada con este tipo de picadura. Algúns pacientes deben levar consigo unha inxección de adrenalina por se existe unha picadura.
“A urticaria solar tamén está a aumentar en grandes proporcións como consecuencia do crecemento do buraco na capa de ozono”, afirma Monteseirín. “Para evitar a súa aparición debetomarse o sol con precaución e sobre todo evitar os raios solares de 12 da mañá a 5 da tarde”.
